Helicobacter pylori (H. pylori): Што е, како се открива и како се лекува

Многу луѓе слушнале за „бактерија во желудник“ – но не се сигурни што точно значи тоа.

Helicobacterpylori (H. pylori) е бактерија што живее во слузницата на желудникот. Таа е многу честа – се проценува дека голем дел од луѓето ја имаат, но не секогаш предизвикува проблеми.

• воспаление на желудник (гастритис)
• болка или печење во желудник
• надуеност, мачнина
• чир (рана во желудник или дванаесетпалачно црево)
• поретко – посериозни состојби ако долго време не се лекува.

Важно:
Многу луѓе имаат H. pyloriбез никакви симптоми.

• преку храна или вода
• преку контакт со други луѓе (на пр. во детство).

Постојат неколку едноставни начини, и вашиот лекар ќе одлучи кој е најсоодветен:

• Тест од издишан воздух (breathtest)
• Тест од столица
• Крвен тест (поретко се користи за активна инфекција)
• Понекогаш гастроскопија со биопсија ако има посериозни симптоми.

Овие тестови се прават по препорака на лекар – не секоја болка во желудник значи дека треба тестирање.

Важно е да знаете: H. pylori се лекува – и најчесто успешно.

Третманот денес обично вклучува:

• лек за намалување на желудочната киселина
• комбинација од повеќе антибиотици

Најчесто се користи т.н. „четворна терапија“ (quadrupletherapy), која вклучува неколку лекови во исто време, обично 10–14 дена

Ова е затоа што бактеријата станала поотпорна на некои антибиотици, па старите „тројни терапии“ не се секогаш доволни.

Терапијата може да биде малку комплексна (повеќе таблети на ден), но е важно да се зема точно како што е пропишано.

• за да се уништи бактеријата целосно
• да се спречи повторување
• да се намали ризик од отпорност.

По завршување на терапијата, често се прави контролен тест за да се потврди дека бактеријата е отстранета.

„Ако ме боли желудник – сигурно е H. pylori“
Не секогаш. Може да биде и стрес, исхрана или друга состојба.

„Ако ја имам, мора веднаш да се лекува“
Третманот зависи од симптомите и проценката на лекар.

„Ќе помине само од себе“
Во некои случаи не предизвикува проблем, но кога има симптоми – потребен е третман.

• ако имате болка или печење во желудник што трае
• ако имате мачнина, надуеност или губење апетит
• ако симптомите се повторуваат
• ако веќе сте имале чир.

Заклучок

H. pylori е честа бактерија – но не секогаш опасна. Клучот е да се препознае кога создава проблем и да се третира правилно.Со точна дијагноза и соодветна терапија, во најголем дел од случаите може успешно да се излекува.