Операција на дискус хернија: Подготовка, интервенција и закрепнување

Секој меѓупрешленски диск на ‘рбетот е составен од цврсто ткиво (прстен) исполнет со мек гел (јадро). Прстенот е составен од лигаменти со кои се поврзани прешлените. Јадрото  во најголем дел е составено од вода и има улога на амортизер – го ублажува триењето на прешлените. Кога прстенот на дискот се оштетува и напукнува, тогаш мекото јадро може да продре низ пукнатината и да навлезе во ’рбетниот канал. Ова често заболување се нарекува дискус хернија (пукнат диск). Истеченото јадро најчесто може да ги притисне корените на нервите во ’рбетот или ’рбетниот мозок и да предизвика болка, слабост и вкочанетост, најчесто во вратот, грбот или нозете. Доколку неинвазивните методи (лекови, физиотерапија, инекции) не помогнат, лекарот може да препорача хируршка интервенција за отстранување на хернијата.

Симптоми и индикации за хирургија

• Интензивна болка во грбот, вратот или долниот дел од грбот (лумбална регија)
• Болка која зрачи во рацете или нозете (ишијас)
• Слабост или вкочанетост во екстремитетите
• Тешкотија при одење или контрола на мочниот меур/цревата (во тежок случај)
• Операцијата се препорачува кога:
• Симптомите траат подолго од 6 недели без подобрување
• Болката е силна и го ограничува секојдневниот живот
• Постојат невролошки дефицити (на пр. слабост во нога)
• Се јавува синдром на „cauda equina“ – итна невролошка состојба која предизвикува слабост во нозете, губење на контрола врз мочниот меур и цревата, и бара итна медицинска интервенција.

Микродискектомијата е најчесто користената хируршка техника за хернија на лумбалниот диск (долен дел на грбот). Се изведува кога дел од дискот притиска на еден од спиналните нерви и предизвикува болка во долниот дел на грбот и/или нозете (ишијас).

• Пациентот е под општа анестезија.
• Се прави мал засек на грбот (обично 2–3 см).
• Со помош на микроскоп, хирургот ги визуализира нервите и дискот.
• Се отстранува само оној дел од хернираниот диск што врши притисок врз нервот.
• Се чува стабилноста на ‘рбетот бидејќи се отстранува само мал дел.
• Обично се прави преку мал засек (2–3 см)

Ламинектомијата се изведува кога има стеснување на спиналниот канал (спинална стеноза) што предизвикува притисок на нервите. Иако не е наменета исклучиво за дискус хернија, таа може да се комбинира со отстранување на дел од дисковите кај пациенти со значителен притисок на повеќе нивоа.

• Се отстранува дел од ламината, тоа е коскен дел од задниот дел на пршленот.
• Ова создава повеќе простор во спиналниот канал и ја олеснува компресијата (притисокот) врз нервите.
• Понекогаш се комбинира со отстранување на дел од дискот (ламинектомија + дискектомија).
• Во случаи кога постои дестабилизација, се додава спинална фузија (спојување на пршлените).

Што е тоа?
Оваа процедура се изведува кај хернија на дискот во цервикалниот (вратниот) дел од рбетот. Се отстранува хернираниот диск, а празнината се пополнува со имплант или коскен графт за да се стабилизираат пршлените.

• Се прави мал засек на предниот дел од вратот
• Се отстранува целиот диск кој е херниран.
• Потоа, меѓу пршлените се вметнува имплант (титаниум или коскен трансплантат).
• Во некои случаи се користат плочки и завртки за дополнителна ст
• Зависно од која процедура ќе одбере хирургот, операциите може да траат од 1- 3 часа и болничкиот престој да биде минимум 1 - 3 дена (без компликации).

Подготовка пред операцијата

• Медицински тестови: крвна слика, ЕКГ, снимање
• Консултација со анестезиолог
• Прекин на лекови кои ја разредуваат крвта (во договор со лекар)
• Вежби за јакнење на трупните мускули (ако е можно)
• Не јадете и не пиете 6–8 часа пред операција
• Спакувајте удобна облека и документи

• Болката се контролира со аналгетици
• Можна е лесна непријатност во местото на засек
• Пациентите често се мобилизираат истиот ден

• Ограничете подигање на тежини, вртење на телото или виткање
• Повеќето пациенти се враќаат на работа по 2–6 недели
• Ако работата бара физички напор – потребни се 8–12 недели
• Физикална терапија - започнува по препорака на лекар (обично по 2 недели) со цел подобрување на флексибилност, сила и држење на телото.

• Нормално е да има болка, но таа е различна од првичната болка од хернијата
• Болката се намалува со лекови и постепено движење
• Неопходно е да се избегнува долго седење или лежење без движење

• Инфекција на раната
• Крварење
• Повреда на нерв или спинална течност
• Потреба од повторна операција (рецидив)

Следете ги препораките за хигиена на раната, вежбајте умерено и не се напрегајте премногу.

Хируршкото лекување на дискус хернија може значително да го подобри вашиот квалитет на живот. Со внимателна подготовка, правилно закрепнување и поддршка од медицинскиот тим, повеќето пациенти се враќаат на своите секојдневни активности без болка.