Колостомија и Илеостомија: Препораки за подготовка и закрепнување по интервенцијата

Колостомијата и илеостомијата се хируршки процедури што вклучуваат отворање на дел од дебелото или тенкото црево преку стомакот за да се овозможи излегување на столицата преку специјален отвор наречен стома. Овие интервенции може да бидат привремени или трајни, зависно од причината за операцијата.

Колостомијата или илеостомијата обично се препорачуваат кога е невозможно или небезбедно столицата да минува низ природниот пат. Најчестите причини за овие интервенции се:

• Рак на дебелото црево или ректумот
• Цревна опструкција
• Перфорација на цревата
• Инфекции (дивертикулитис, апсцеси)
• Повреди на абдоменот

• Улцерозен колитис или Кронова болест
• Тешки воспалителни болести на цревата
• По отстранување на целиот колон
• Кај некои вродени аномалии

Во некои случаи, стомата е привремено решение, додека телото се опоравува, а подоцна може да се направи реконструкција за повторно враќање на нормалното празнење.

Операцијата може да биде итна (на пр. по перфорација) или планирана (на пр. кај рак или хронична болест).

• Се прави рез на абдоменот, и се изнесува дел од цревото до кожата, каде што се формира отвор наречен стома
• Столицата ќе излегува преку тој отвор во специјална остомска ќеса
• Операцијата се изведува под општа анестезија
• Трае обично 2 до 3 часа
  
  

• Илеостома обично се поставува на долната десна страна на стомакот и содржината е течна до полутечна
• Колостома најчесто се наоѓа на левата страна, а столицата е поконзистентна

• Крвни анализи, ЕКГ, рендген или CT скен
• Регулирање на постоечки заболувања (на пример дијабетес, висок притисок)
• Може да добиете упат за пречистување на цревата пред операцијата

• Консултација со абдоминален хирург кој ќе ви објасни каде ќе биде поставена стомата, како ќе изгледа, и како да се грижите за неа
• Избор на соодветна облека и поставување удобна домашна средина
• Припрема за емоционалниот дел: оваа промена може да биде предизвик, но со поддршка и информации, адаптацијата е возможна

• Првите денови ќе бидете на инфузии и течна диета
• Ќе започнете со учење како да се грижите за стомата уште во болница
• Медицинскиот тим ќе следи за компликации како крварење, инфекција или иритација на кожата

• Ќе треба редовно да ја празните и менувате кесата
• Обрнете внимание на исхраната – посебно кај илеостома: избегнувајте тешко сварлива храна (пченка, ореви, сурови зеленчуци)
• Следете упатства за хидратација – кај илеостома, телото губи повеќе течности

• По 4–6 недели можете постепено да се вратите кон физичка активност
• Избегнувајте подигање тежини во првите недели
• Со соодветен појас или стома заштита, можете да бидете активни речиси без ограничувања

• Првите контроли се во првите 10–14 дена по операцијата
• Се следи состојбата на кожата, стомата и вашата адаптација
• Многу пациенти се чувствуваат анксиозни или засрамени — но не сте сами. Разговорот со други кои поминале низ истото може да биде охрабрувачки.

Колостомијата или илеостомијата се големи, но многу често животно-зачувувачки интервенции. Со добра медицинска грижа, обука и поддршка, многу луѓе водат нормален и исполнет живот со стома. Најважно е да се информирате, да поставувате прашања и да знаете дека ова е само еден нов начин на функционирање, но не крај на нормалноста.