Shopping cart
Free Shipping for all orders over $200
Free Shipping for all orders over $200
Астма е хронична инфламациска болест на белите дробови која ги зафаќа децата и возрасните во целиот свет. Се смета дека секое десетто дете во Америка има астма. Како што и самиот збор кажува хронична болест, таа не може да се излечи, но може да се стави под контрола и да се подобри квалитетот на живот на детето.
Тоа се кашлица, отежнато дишење/глад за воздух, рецидивни епизоди на weezing, стегање во градите.
Овие деца потешко можат да реагираат на овие инфекции и често им е потребна хоспитализација и давање на прва помош во ургентна амбуланта.
2. Цигари и аерозагадување
Аерозагадувањето е една од причините за егзацеребрација на астма, поради инфламација на долните дишни патишта. Изложување на децата на пасивно пушење може да дојде до влошување на болеста или до пролонгирани епизоди на визинг. Дополнителни алергени може да бидат парфеми, средства за чистење во домот, свеќи и ароматизери во просторијата.
Најчеста причина за алергиска астма се домашна прашина, грињи, влакна од домашни животни, мувла. Тие се предизвикувачи на целогодишна астма. Често застапени во домот и во ушилиште.
Најчести алергени во надворешната средина се полен треви, полен дрва, плевел, како и мувли. Најинтензивна концентрација на полен дрва има во пролет, на треви во лето, плевел во есен. Мувлата пак зависи од влажноста на воздухот и врнење на дожд. Алтернарија е една од најчестите влошувачи на симптомите на астма.
Најголем дел од децата се љубители на домашни миленичиња, но кај децата кој имаат астма треба да избегнуваат чување на домашно милениче во својот дом. Најчести предизвикувачи се куче, маче, хрчак и зајак. Алергените се присутни во влакната, перутење на кожата, плунката и урината на домашните миленици.
Ладното време прави иритација на дишните патишта и е тригер фактор на астмата. Наглата промена во темературата на воздухот може да направи спазам и да ја влоши астмата.
Често после 5-20 минути од вежбање под силен напор , можат да се јават симптоми на астма.
Децата кој имаат астма и се алергични на убод од инсект (пчела, оса, стршлен, мравки) може од убод на инсектот да дојде до влошување на астмата. Симптомите се јавуваат веднаш по убодот од инсект.
Стресот е исто така голем тригер фактор за влошување на симптомите на астма. Напад на астма може да се јави при голем стрес како загуба на близок член во фамилија, проблеми во школо, булинг.
Астма индуцирана од обезност е една од причините за неконтролирана астмата. Потребен е диететски режим во намалување на килограмите, како и балансирана исхрана, т.е здрав начин на живот.
За инхалирачките медикаменти се користат помагала (Volumatic, Babyhaler, Aerochamber, Novolizer, Turbohaler, Discus, инхалатор) во зависност од возраста, со кое се постигнува подобар ефект при адекватна техника за примање на овие лекови и помал ризик од несакани ефекти на лекот.
За постигнување на контрола на астмата освен медикаментозна терапија, значајно е одбегнување на тригер фактори, добра едукација на родителите и децата за болеста и техниката на примање на лековите и следење на болеста.
Класификација на астмата според степен на контрола и ефект на терапија: комплетна контрола, добра контрола, делумна контрола и нема контрола.
Редовни контроли на 1-3 месеци. Во случај на незадоволителен ефект се проверува соработката на пациентот и семејството, техниката на користење на помагалото, одбегнување на тригер фактори и евентуално да се размисли дали се работи за друга дијагноза.
Во договор со педијатар се оди чекор нагоре или надоле во зависност од каква е контролата на астмата.
Акционен план за астма = план за менаџирање на астмата е писмен план што го креирате вие со вашиот педијатар за да се подобри контролата на астмата на вашето дете.
Целта на планот за акционен астма план е да се намалат или да се спречи влошувањето на астмата. Следење на препораките од акциониот план ќе му помогне во извршување на секојдневните активности без симптоми на астма.
