Shopping cart
Free Shipping for all orders over $200
Free Shipping for all orders over $200
Секоја година, особено во студените месеци, многу луѓе развиваат симптоми како течење на нос, кашлица, замор и температура. Првото прашање што се поставува е: дали е ова настинка или грип? Иако и двете заболувања ги напаѓаат дишните патишта и можат да предизвикаат слични симптоми, станува збор за две различни инфекции со различен тек, интензитет и ризици од компликации.
Разликувањето помеѓу грип и настинка е важно за соодветен третман, заштита на најранливите групи и спречување ширење во заедницата. Подолу следува детален преглед на сличностите, разликите, домашниот третман и улогата на вакцината.
Настинката е инфекција на горните дишни патишта, најчесто предизвикана од риновируси, коронавири (не SARS-CoV-2), аденовируси и други вообичаени вируси. Настинката обично има благ тек и не предизвикува сериозни компликации.
Главната причина што е толку раширена е лесното ширење – преку капки при кашлање, кивање или допирање површини.
Типични симптоми на настинка вклучуваат:
Симптомите се развиваат постепено и најчесто траат 3–7 дена, понекогаш до 10 дена, со постепено подобрување.
Грипот е инфекција предизвикана од инфлуенца вируси тип A и B. За разлика од настинката, грипот често има нагол почеток и предизвикува поинтензивни симптоми. Иако многу луѓе го поминуваат дома, грипот може да биде опасен, особено кај деца, постари лица, бремени жени и лица со хронични болести (астма, дијабетес, срцеви заболувања).
Грипот обично трае 5–7 дена, но слабоста може да остане и до две недели.
Најчести компликации на грипот кои имаат умерен тек се воспаление на синусите (синузит) и воспаление на увото (отитис). Пневмонијата е сериозна компликација на грип и може да биде резултат на инфекција со вирусот на грип или ко-инфекција на вирус на грип и бактерии.
Како сериозни компликации предизвикани од грип може да се развијат воспаление на срцето (миокардитис), мозокот (енцефалитис) или воспаление на мускулните (миозитис).
Иако постојат преклопувања, неколку разлики можат да помогнат:
Во пракса, точната дијагноза се поставува според симптоми, а понекогаш се прави и брз тест за инфлуенца.
И грипот и настинката обично се третираат дома, бидејќи се вирусни инфекции и вообичаено не бараат антибиотици. Лекувањето е насочено кон намалување на симптомите и подобрување на хидратацијата и одморот.
За одредени ризични групи, лекарот може да препорача антивирусен лек (оселтамивир), но само ако се започне во првите 48 часа од симптомите. Овие лекови го скратуваат текот на болеста и ја намалуваат веројатноста од компликации.
Кога да побарате лекарска помош?
Во повеќето случаи, грипот и настинката може да се лекуваат симптоматски но одредени предупредувачки знаци бараат медицинска проценка:
Ризичните групи треба да бидат особено внимателни и да се јават на лекар порано.
Иако не може целосно да се избегнат респираторни вируси, постојат докажани мерки што значително ја намалуваат шансата за инфекција.
Вакцината е најефективната заштита од тешка форма на грип. Се препорачува секоја година, бидејќи вирусите постојано мутираат.
Свежиот воздух ја намалува концентрацијата на вируси во затворени простори.
Зошто вакцината против грип е важна?
Многумина веруваат дека „грипот е како настинка“, но тоа е погрешно. Грипот може да предизвика сериозни компликации како пневмонија, влошување на хронични болести, хоспитализација, па дури и смрт кај ранливи групи.
Секоја година вакцината се прилагодува според вирусите кои се очекува да циркулираат во претстојната сезона. Постојат различни типови вакцини, но најчести се
Најкористената форма во Европа е инактивирана вакцина (inactivated influenza vaccine – IIV)
Кога вакцинираната личност ќе дојде во контакт со вистински инфлуенца вирус:
Важно е да се земе во предвид дека вакцината не штити од настинка, но значително го намалува ризикот од грип и неговите сериозни последици.
