Инфекции на увото: Симптоми, третман и кога треба да се побара лекар

Инфекциите на увото се меѓу најчестите здравствени проблеми, особено кај децата, но се јавуваат и кај возрасни. Може да вклучуваат воспаление на надворешното уво, средното уво или внатрешното уво. Најчеста е инфекцијата на средното уво – отитис медиа – која може да биде акутна или хронична.

Правилното препознавање и раниот третман се важни за спречување на компликации како губење на слух и хронична болка.

• Најчесто се јавува како последица на настинка, вирусна инфекција или воспаление на синусите.
• Слузта и течноста се собираат во средното уво, што доведува до болка, црвенило и понекогаш инфекција со бактерии.

• Се јавува кога има повторливи или долготрајни инфекции на средното уво.
• Често е поврзан со перфорација на тапанчето, истекување од увото и постепено намалување на слухот.
• Може да доведе до оштетување на слушните коскици ако не се третира.

Симптомите може да се разликуваат според видот на отитисот и возраста на пациентот.

• Остра или пулсирачка болка во увото
• Осетливост при допир
• Треска
• Губење или намалување на слухот
• Течење од увото (ако има перфорација)
• Раздразливост и плач кај деца
• Тешкотии со спиењето
• Чувство на притисок или исполнетост во увото

• Постојан или повторлив исцедок од увото
• Губење на слух
• Помалку интензивна болка, или воопшто без болка
• Периодични вртоглавици
• Непријатен мирис на исцедокот од увото

Инфекциите на увото најчесто се појавуваат по:

• Настинки и вирусни инфекции
• Инфекција на синусите
• Алергии
• Зголемени аденоиди (лимфни јазли) кај деца

• Мала возраст (децата имаат пократки евстахиеви туби)
• Пушење или изложеност на пасивен чад
• Сезонски вируси
• Пливање во нечиста вода (за инфекции на надворешното уво)

Лекарот ќе направи:

• Отомикроскопија / отоскопија: визуелно прегледување на тапанчето
• Тимпанометрија: процена на притисокот во средното уво
• Аудиометрија: ако има намалување на слух

Во случај на хронични инфекции, може да се направат и култура на исцедок и КT (компјутерска томографија) на слепоочната коска

Во многу случаи, инфекцијата е вирусна и може да се повлече самостојно за 48–72 часа. Обично се препорачува:

• Аналгетици и антипиретици (парацетамол, ибупрофен)
• Капки за нос или солени раствори за подобрување на протокот низ евстахиевата туба
• Одмор и добра хидратација

Антибиотици се даваат само ако:

• симптомите траат повеќе од 72 часа
• има висока температура
• има силна болка
• пациентот е мало дете (<2 години)
• остои течење од увото што укажува на перфорација

Најчесто се користи амоксицилин.

• Антибиотици (капки или системски)
• Чистење на увото (микросукција)
• Мироингопластика (затворање на перфорација на тапанчето)
• Тимпанопластика за реконструкција на средното уво
•  Хируршко отстранување на инфектираните ткива
  
  

3. Третман на надворешен отитис ("swimmer’s ear")

• капки со антибиотик + кортикостероид
• избегнување вода во увото
• нежно чистење

• болката е силна или трае повеќе од 2–3 дена
• има висока температура
• има течење од увото
• слушате полошо од вообичаено
• детето е необично вознемирено или често плаче
• инфекциите се повторуваат често
• постојат вртоглавици или проблеми со рамнотежа
• се јавува слабост на лицето (редок, но итен симптом)

• има силна главоболка и вкочанет врат
• постои оток зад увото
• симптомите брзо се влошуваат

Овие може да укажуваат на сериозни компликации како мастоидитис или менингитис.

• избегнување пасивен и активен чад
• добра хигиена и миење раце
• третман на алергии и затнат нос
• вакцинација (грип и пневмокок)
• избегнување пливање во нечиста вода
• правилно сушење на ушите по туширање или пливање

Инфекциите на увото се чести и најчесто се лекуваат успешно, но игнорирањето на симптомите може да доведе до компликации. Раното препознавање, правилниот третман и редовниот лекарски преглед се најдобрата заштита за вашиот слух и здравје.